Félag nýrnasjúkra
Main menu:
- Heim
- Um félagið
- Tenglar
- Tengslahópur
- Greinar
- Tengsl offitu hjá börnum við nýrna- og hjartasjúkdóma
- Erindi - Jórunn Sörensen
- Reykjavíkurflugvöllur - líflína nýrnasjúkra
- Þegar ég missti vonina, Jórunn Sörensen
- Starfa nýrun þín eðlilega? Hildur Einarsdóttir
- Ef sársaukin litar lífið Jórunn Sörensen
- Alþjóða nýrnadagurinn 8. mars 2007
- Að lifa með .. , Jórunn Sörensen
- Lifandi - með líffæri úr annarri manneskju
- Járnkarlinn - Oddgeir Gylfason
- Fræðsluefni
- Fréttir
Velkomin á heimasíðu Félags nýrnasjúkra
Staðreyndir um líffæragjafir og líffæraígræðslur
__________________
Aðalfundur félagsins
Fjölmennur aðalfundur Félags nýrnasjúkra var haldinn á Grand hótel 28. mars 2012. Á dagskrá voru hefðbundin aðalfundarstörf og önnur mál. Góðar umræður voru á fundinum um málefni nýrnasjúkra.
Eftir aðalfundinn er stjórnin þannig skipuð:
Jórunn Sörensen formaður, Hallgrímur Viktorsson, Hannes Þórisson, Margrét Haraldsdóttir,
Vilhjálmur Þór Þórisson, Ragheiður Thelma Björnsdóttir, Ursula Irena Karlsdóttir.
Á næsta stjórnarfundi mun stjórnin skipta með sér verkum.
Ályktanir frá aðalfundi: "ætlað samþykki" við líffæragjafir, blóðskilunardeild á Akureyri.
_________________
Framkvæmdastjóri ráðinn
Kristín Sæunnar- og Sigurðardóttir hefur verið ráðin framkvæmdastjóri félagsins í hálft starf. Kristín mun sinna öllum daglegum störfum auk ýmissa sérverkefna í samráði við stjórn.
Kristín er mörgum félagsmönnum að góðu kunn. Hún var fulltrúi félagsins í aðalstjórn ÖBÍ í tvö ár og hefur oft verið fundarstjóri á fundum félagsins.
Stjórn félagsins fagnar þessum mikilvæga áfanga í starfi félagsins og býður Kristínu velkomna til starfa.
________________
Segðu JÁ við líffæragjöf!
Málþingið LÍFFÆRI FYRIR LÍFIÐ sem var haldið 6. mars 2012 af SÍBS með Hjartaheill og Samtökum lungnasjúklinga ásamt Félagi nýrnasjúkra og Félagi lifrarsjúkra tókst einstaklega vel.
Fyrirlesarar voru:
- Runólfur Pálsson yfirlæknir nýrnalæknga á Landspítalanum
- Pål-Dag Line yfirlæknir líffæraflutninga á Háskólasjúkra- húsinu í Oslo
- Troels Normann Mathisen starfsmaður samtaka líffæraþega í Noregi
;)
00;)
00;)
Smellið á myndirnar til að stækka
____________________
Líffæri fyrir lífið
Opið málþing um líffæraígræðslur
Grand Hotel, Reykjavík þriðjudag 6. mars 2012, kl. 15:00 - 17:00
Nánar
----------------------------------
25 ára afmælishóf á Grandhótel
Á 25 ára afmælisdegi félagsis 30. október 2011 var haldin veisla á Grandhóteli. Þangað mættu liðlega 200 manns í hátíðaskapi, áttu góðan dag saman og nutu veitinga af glæsilegu kaffihlaðborði.
Veislustjóri var Hrefna Guðmundsdóttir nýrnalæknir. Í upphafi fluttu þau ávörp Dagfríður Halldórsdóttir fyrsti formaður félagsins og Páll Ásmundsson fyrrverandi yfirlæknir nýrnalækninga á Landspítalanum.
Lesa meira
Þessi hjón eiga það sameiginlegt að annað hefur gefið hinu nýra og þar með nýtt líf.
(mynd Hrafnhildur Runólfsdóttir)
----------------------------------
Reykjavíkurmaraþon og kraftakonan Hulda Birna!
Þeim fjölmörgu sem tóku þátt í Reykjavíkurmaraþoni 2011 með því að hlaupa og safna áheitum og heita á hlaupara í þágu nýrnasjúkra barna, færum við innilegar þakkir. Það þarf ekki að orðlengja það hversu mikill styrkur það er fyrir félagið að fá svona góðar undirtektir.
Í fyrsta sinn gerðist það einnig nú að hópur fyrirtækis valdi Félag nýrnasjúkra til þess að hlaupa fyrir. Það var 10 manna hópur Álversins í Straumsvík.
Af öllum þessum afrekum er afrek Huldu Birnu Blöndal þó stærst. Hulda Birna er í blóðskilun en hljóp engu að síður 10 km. Þrátt fyrir ítrekaða leit, hérlendis og erlendis, hefur okkur ekki tekist að finna neinn annan sem hefur leikið þetta eftir. Margir vinna stóra sigra eftir að hafa fengið ígrætt nýra og við eigum meira að segja okkar Járnkarl, Oddgeir Gylfason tannlækni.
-----------------------------------------------
Ómetanlegur styrkur
Edda Svavars eins og hún var ævinlega kölluð er látin 75 ára að aldri.
Hún fæddist 1. janúar 1936 og lést 29. júní 2011.
Edda var einn af stofnfélögum Félags nýrnasjúkra.
Lesa meira
-----------------------------------------------
OPIÐ HÚS Á ÞRIÐJUDÖGUM
Ákveðið hefur verið að hafa
opið hús á þriðjudögum frá klukkan 17 – 19 í húsnæði Þjónustuseturs
líknarfélaga á 9. hæð í Hátúni 10b þar sem félagið hefur aðstöðu.
Þangað eru allir félagar velkomnir í notalegt spjall sem og þeir sem vilja kynnast
starfi félagsins. Ekki síst beinum við orðum okkar til þeirra sem nýlega hafa greinst
með nýrnasjúkdóm eða eru að bíða eftir ígræðslu.
Heitt á könnunni.
Fyrsta opna húsið verður þriðjudaginn 16. ágúst nk.
----------------------------------------
Fréttatilkynning frá stjórn
Hannes Þórisson, Selma Maríusdóttir og Runólfur Pálssson.
Það voru hæg heimtökin - ef svo má að orði komast - hjá Hannesi Þórissyni ritara
félagsins að afhenda Runólfi Pálssyni yfirlækni og Selmu Maríusdóttur deildarstjóra
skjal sem staðfestir að félagið gefur skilunardeild andvirði tveggja blóðskilunarvéla.
Hannes er í blóðskilun og kallaði á dögunum Runólf og Selmu að stólnum sínum.
Andvirði annarrar vélarinnar kemur frá Pokasjóði en félagið
sótti um styrk til sjóðsins til kaupa á blóðskilunarvél.
Andvirði hinnar vélarinnar er ein milljón úr styrktarsjóði félagsins í tilefni
af 25 ára afmæli félagsins á þessu ári og afgangurinn eru áheit sem
Valdís Arnardóttir safnaði með þátttöku sinni í Lúxemborgarmaraþoni fyrir nokkru.
-------------------------
GLÆSILEGUR ÁRANGUR VALDÍSAR
Valdís Arnardóttir lauk hálfmaraþoni sínu í Lúxemborg með
miklum glæsibrag - tíminn undir tveimur klukkustundum.
Þátttakendur í hlaupinu voru um 10 þúsund og var uppselt í hlaupið.
Ekki varð árangur Valdísar minni í áheitasöfnuninni en eins og félagar vita
hljóp hún til þess að safna fyrir blóðskilunarvél á skilunardeild.
Áheit eru enn að berast en síðustu tölur nálgast 600 þúsund krónur.
Stjórn félagsins er Valdísi þakklát fyrir þetta einstaka framtak
og sendir henni og fjölskyldu hennar bestu kveðjur.
---------------------------
Fræðslumyndir
Annað líf
Ef nýrun gefa sig
Skrifstofa félagsins er opin sem hér segir:
þriðjudaga frá 17-19 OPIÐ HÚS
miðvikudaga frá 10:00 - 16:00
fimmtudaga frá 10:00 - 16:00
Sími: 561-9244
Tilkynningar
TENGSLAHÓPUR NÝRNASJÚKRA OG AÐSTANDENDA ÞEIRRA
Stuðningsfundir Tengslahópsins eru ætlaðir nýrnasjúkum – þeim sem eru að veikjast, eru komnir í skilun eða hafa ígrætt nýra. Fundirnir eru einnig ætlaðir aðstandendum nýrnasjúkra og nýragjöfum. Ekki er nauðsynlegt að vera félagsmaður í Félagi nýrnasjúkra til þess að sækja stuðning til Tengslahópsins.
Viðtalsbeiðnir í síma 896-6129
___________________________
KAFFIHÚSAHITTINGUR
Ungt fólk með langvinnan nýrnasjúkdóm hittist reglulega í óformlegu spjalli.
Nánari upplýsingar gefur Lilja í síma: 899 3151
_____________________________
Nýrnaskóli
Landspítalinn heldur námskeið, Nýrnaskóla, fyrir einstaklinga með langvinna nýrnabilun og fjölskyldur þeirra. Námskeið veturinn 2011-2012 verða haldin 5. október – 2. nóvember 2011 kl. 17- 19 og 22. febrúar – 21. mars 2012 kl. 19:30-21:30.
Sjá nánar
___________________________
Styrktarsjóður
Félags nýrnasjúkra
Minningarkort og heillaskeyti fást í síma félagsins 561 9244.
Einnig fást minningarkortin hjá
Salóme í síma 568 1865 í Blómabúð Akureyrar og blómabúðinni Akri á Akureyri.
__________________________
LÍFFÆRAGJAFAKORT
Hefur þú velt því fyrir þér að að við andlát hefur þú ekki lengur not af líffærum þínum en þau geta gefið öðrum annað líf – nýtt líf?
Kynntu þér málið hjá félaginu eða Landlæknisembættinu. Tengill á heimasíðu embættisins er hér á síðunni undir “Tenglar”.
Líffæragjafakortin fást þar og einnig á skrifsofu félagsins í Hátúni 10b.
Landlæknisembættið sendir kort sé þess óskað og sama gerir Félag nýrnasjúkra.
Ræddu málið við fjölskyldu þína svo þau viti þína afstöðu.
Félag nýrnasjúkra er aðili að
Öryrkjabandalagi Íslands